樂古Nakuz

標題: 為何好作倒閉不好的不倒閉? [打印本頁]

作者: [HK]賢先生 時間: 22-7-2010 16:16
標題: 為何好作倒閉不好的不倒閉?
請大家討論一下為何好作倒閉不好的作品不倒閉?
有一些不錯的作品戰鎚寵物王等一樣倒閉
但為什麼一些不好的作品不會倒閉?
本人認為論點至好的會得到一百樂點

作者: nikki38 時間: 22-7-2010 16:16
本帖最後由 nikki38 於 26-7-2010 16:45 編輯

其本上個標題就係好大問題,好同唔好太主觀,你用咩標準去界定?
你話好,其他人可以覺得唔好,大多數人話好玩,都依然會有人話唔好玩
另外樓主所講既"倒閉",應該係指香港代理商(或其他地區代理?)停止營運
eg.有一段時間大陸WOW,9城or盛大(唔係好記得邊間,有錯請指點)合約到期,
唔再營運,相信無人會話WOW"倒閉"掛?
研發商停止研發,比對新GAME推出,真係少之又少,加幾張MAP,加多D武器,
改下SETTING,又可以頂多一,兩年,加上好多地區,eg,東南亞,阿拉伯.......
都係剛開始有自己代理,好多陳年舊作,對佢地已經係神作

歸根究底,代理商停止營運,都係因為無利可圖,每年韓國有咁多GAME出,
走去搶代理權都好唔得閒啦,邊會理一D搵唔到錢既GAME續唔續約?
短短幾年間,香港由本身無本地代理,到E家幾間公司代理左幾十隻GAME(可能過百,無數過),
香港玩家人數增長完全跟唔上,代理商同流動電話,網絡商都用同一營運方針,
"搶客唔留客",一隻GAME推出,最搵到錢係頭果"黃金72日",之後人口流失,
公司代理新GAME,玩家貪新忘舊跳到新GAME,循環不息,留低都係死忠FANS,
合約到期,無玩家,代理見隻GAME賺唔到錢,自然唔續約,死忠FANS一次又一次失望
(網上遊戲自然定律)

好多舊GAME(MAY BE唔好既GAME),對部機要求唔高,簡單,節奏明快,一上網就可以殺過痛快,
好多人唔鍾意爆肝升級(包括我),又或者擋隻GAME係休閒GAME,上網同朋友傾下講下......
畫面,質素,好唔好?......未必係吸引玩家消費既原因

商業上,幣商,外掛係代理既好伙伴,台版RO,美版SILKROAD.....都係出名多外掛,
最顛峰時期有9成人用外掛,到今時今日都營運左差唔多10年,"免費"遊戲"既收入,
主要來自有消費能力既上班一族,要番工,可以花既錢當然比可以花既時間多,
內掛,幣商,外掛,代練....正正係副產品,講白一D,隻GAME連幣商,外掛都養唔起,
點養得起間代理?
貨幣流動==>刺激消費==>建立商機==>創造就業==>加速發展==>吸引人流
幣商,外掛只係手動玩家既天敵,絕對唔係代理停止營運既主因,
好多上班一族,大陸玩家都接受幣商,外掛(我都係接受唔到攞)

最後,我覺得樓主再發同一類POST,都係無補於事,代理心態基本上係唔會改變,
加上,網上遊戲既消費者係"完全"無保障,香港根本無法例去監管網上遊戲既品質,
樓主不如跳出香港,好多海外GAME都好好玩,又可以識多D唔同地方既朋友

作者: 豆丁123 時間: 22-7-2010 16:42
各人有各不相同的審game眼光

作者: pts041052 時間: 22-7-2010 17:08
我認為好既GAME自然多人追求多人玩.
多人玩就會導致一樣野/就係外掛隨之然都會多//...=>代理唔理外掛/理唔到甘多 /玩家執著外掛問題放棄遊戲=>人流大失.只係得反一堆外掛同少數正義人士..最後又令到一隻好GAME汁粒

作者: 慧星雲 時間: 22-7-2010 20:14
原因好多，

例如好GAME落入「好」代理手上，

外掛，

另外舊GAME出左已經好耐都係一個問題，

依家D人個個都正係識玩新GAME，

畫面唔夠好都唔得，

舊GAME自然直接比人踢開~

作者: -§望§- 時間: 22-7-2010 20:18
提示: 作者被禁止或刪除內容自動屏蔽

作者: kakababy 時間: 22-7-2010 20:27
好game倒閉..
1. 代理及GM
掛多, 宣傳不足失去大量新手...
再沒有新血加入....而且有很多...game 錢售賣...
令人們..不一定再要買點卡...才可以買商城物品...(同人地換...game $ 換商城物品)
金錢不足以去運作果間公司...所以倒閉

2. 畫質
好game 多數是舊game
大家都知道...舊game 既畫質...一定比現今的為差...
不少人也會因為畫質既問題而放棄game...(我是其中之一)

3. 玩家
玩家既質素好影響一隻game
好似..成班小學雞咁.....成班搶怪咁.....成班開紅殺人咁...
對一些新來的玩家...會感到煩憂....
對老手已然..是一種快樂...(搶人怪..亂殺人)

個人見解...

作者: [H]kasonsky 時間: 22-7-2010 21:02
本帖最後由 [H]kasonsky 於 22-7-2010 21:07 編輯

首先遊戲本身沒有好和不好分別，影響遊戲能否揚名立萬，「官方、開發商、玩家」三者絕對需要形成一個三角關係，互相依賴取長補短。假如其中一方得不到足夠支援，遊戲壽命自然會漸降。

遊戲倒閉，最大責任在官方身上，尤其是一些缺乏遊戲營運經驗的遊戲代理商，他們會認為遊戲畫面靚，動作夠powerful，裝備靚絕便可以吸引大量玩家加入，卻欠缺調查玩家的興趣。就算遊戲在韓國取得No.1聲號，但不代表是全球玩家100%接納的作品。

無錯上述提及的三種元素，的確是影響玩家去留的主因。不過「近朱者赤，近墨者黑」，一款大作在某地方上市，好評如潮，那麼當地大部份玩家就是喜愛「靚、型」的遊戲。但這套理論只會維持短暫時間。事實上近年「商城制」橫行霸道，嚴重影響了遊戲平衡性，此時反問玩家「你玩依隻game目的是什麼」，他們固然會說出「畫面靚」的原因，但再問下去「依家吸引你的是什麼」，十之八九也會說「期望商城出什麼新坐騎新藥水」。

玩家由最初的好奇心，演變成追求虛寶、等級、用點數換回來的額外力量。去到這個地步，玩家漸漸分為「有錢/無錢」兩派，有錢者繼續玩下去，追求無上的遊戲體會，官方亦都會為他們提供更高難度的版本，讓玩家可挑戰自己極限。無錢的明白到數據上永遠沒有勝算，漸漸有退出的念頭」

「錢行先、義行尾」是目前代理商的口頭蟬，開放高級副本、裝備、寵物，提升等級上限，這一切都是為高手而設，卻忘記了當初的宗旨是服務所有玩家。因此人流減少、欠缺新血加盟是正常的。當遊戲能夠吸納的支金，難以支付遊戲續期或者出現虧蝕，代理商好自然會停止續約。

玩家們以為遊戲多外掛是倒閉原因之一，但外掛有時卻是一種良好的宣傳手法，既然遊戲與外掛已經是不能分開，那麼誰封外掛最多，而外掛的版本又會持續更新去反官方的話，這表示遊戲不乏人氣，有時「人氣」比起「賺錢」更可貴呢。一款作品太低人氣的話，就算免費送虛寶比新人升級，也不能夠改寫遊戲命運。

至於倒閉另一個少見原因是遊戲難度太高，雖然難度愈高就愈有挑戰性，但是人類一出生就是一種團體生物，無論遊戲有多難，boss/怪物有幾難對付，組多些隊友不就是輕易解決吧？可惜人氣同名氣是兩回事，就如樓主以戰鎚作為例子，沒錯戰鎚在全球名氣甚高，可惜台灣地區玩家卻對戰鎚沒太多好感，少人加入又何來得到隊友們的支援玩下去？

當玩家對遊戲開始厭倦，官方改版又繼續向錢看。無論遊戲名氣有多高也難以重現雄風。另外，商城與遊戲一樣，需要視乎各個國家的玩家而適當地調節平衡性，不可跟住人家版本的。最後請各位緊記，遊戲倒閉最大錯處是在於官方眼光短淺，香港人喜歡的，不代表是台灣人都喜歡。即使遊戲評價跌到谷低，但香港人如果接受到用錢去換實力的話，作為代理商又怎會忍心掉下這個漁塘。

所以目前三地官方開始明白到玩家的打機心態，在他們眼中，只要能夠食錢便是好遊戲，理他差到什麼地步。作為玩家的便需要明白自己的打機風格，卻不可以見人買點數，自己又買點數跟風，這只會開始迷失自我。

作者: ngchoyiu 時間: 22-7-2010 23:29
賺夠咪汁....
如果果隻game非主線遊戲代理可以擺爛等d人放錢落去代理商賺夠->接埋
好似漁民撤網捉魚夠鐘收網
而主線遊戲代理商就放長線釣大魚慢慢慢慢賺錢賺到冇人再玩就汁

或許有d好遊戲
但代理商想代理就代理想汁就汁
你都吹佢唔脤

唔好問我咩叫主線我唔知
(迷:咁你又講

作者: 驚雲堂堂主 時間: 22-7-2010 23:40
只怪港台代理目光太短視。

作者: hungchunlai 時間: 23-7-2010 07:53
倒閉不好作好作不倒閉

作者: 有可能 時間: 23-7-2010 11:02
一切都是潮流,online game是潮流下的的產物,要吸引玩家,就要不繼推陳出新,當推出一款新遊戲後,又要不斷提供活動,更新等,務求令玩家感受到新鮮感,更要建立一班忠實的骨灰玩家,以確保網遊健康發展。

但網遊界的競爭是與網絡連繫,因此網遊是要與全世界作出競爭,在競爭層面極廣的情況下,玩家的數量也是世界性的,面對這一群超乎想像的市場,遊戲開發商為爭取多一口美味的蛋糕,就必須尋找新的玩家群,更要改進舊有遊戲的各種系統,於是新遊戲便如雨後春筍般湧現,即使舊作擁有多大的革新性或優良的口碑,這品牌也會被下一個作品,完成度更高,或是結合了舊作優點的'新鮮'遊戲取代,總言之,網遊的生命就必須跟隨潮流的巨輪,誕生,浪中打滾,最後消亡,都只能夠配合玩家的口味和整體風氣而運動。

好遊戲在玩家的心目中也是主觀的,高人氣的網遊亦不代表是客觀的好遊戲,但即使這類廣受歡迎,高人氣的網遊,很快亦會因潮流改變而不像剛推出時那麼吸引,所謂的好遊戲,也不過是多生存幾年的優質消耗品而已......

打完篇野我去大便先= =忍左好耐....

作者: 【疾﹏風】 時間: 23-7-2010 11:35
標題: RE: 為何好作倒閉不好的不倒閉?
在商人眼中不論好作或是壞作!
只要吸引玩家買點就行.
我很早便玩網絡遊戲.我還記得第一只玩的是龍族.
因為太多玩家作幣而倒閉.龍族是收月費制的.
當時的網絡遊戲不流行買點數物品.
相反流行月費制遊戲.當中石器石代/仙境傳說也好像是!
結果這些遊戲行成功.但到了這個年代.商人已經放棄舊有的模式
雖說月費制.有不少玩家都負擔不起.但相反有些富家子弟.
就蜂擁去買點數.購買點數物品.我們熟識的橘子就是奸商之一
橘子旗下有項網絡遊戲名叫[巨商].這遊戲十分奸狡.
遊戲模式很難令玩家白手興家.所以現在出現不少GAME錢商.
在我眼中好作的定義是:1)GM能好好辦事,減少作幣玩家
                        2)我能接受月費制.點數物品我不能接受
                        3)希望遊戲中有劇情.
                        4)還有希望玩家不要盲目暴升.要享受當中過程.

作者: 靈檬 時間: 23-7-2010 12:42
我覺得係睇下隻game搵唔搵到錢

就算有隻好好嫁game'好多人玩'但係佢跟本就唔洗點要d玩家買點'咁會好快汁'
因為始終隻game係要有成本'咁佢都冇收入'點營運呢??
而家好多唔好ge game唔汁'係因為始終一隻game係有人玩'咁佢搵到錢'點解要汁-__-

作者: 翼風星痕 時間: 23-7-2010 15:56
遊戲跟不上玩家的步伐
玩家跟不上外掛的步伐

作者: KANKAN1128 時間: 23-7-2010 16:15
提示: 作者被禁止或刪除內容自動屏蔽

作者: 00102410 時間: 23-7-2010 16:17
因為好作要用錢黎保持
不好作唔使

作者: 10161016 時間: 23-7-2010 17:46
因為倒閉了才是好作
不倒閉不是好作
即係失去先會覺得好

作者: HIDE666 時間: 23-7-2010 18:33
說真的一句....  戰鎚  我個人覺得不是好作要倒閉都是理所當然

戰鎚雖是EA出的可是追求的目標有點搞混了吧

把畫面搞好看但忘記了遊戲始終是遊戲應以好玩為主跟魔獸重覆的東西很難取締或佔有市場

先說它老家美國在第1季還是第3季已經支持不住開始關SER 之後就賣到台灣

只可以說現在濫竽充數的[新]遊戲太多了大部人都喜歡新鮮感都會去試試完一個又一個新的出

現在可以於一個遊戲中玩超過2個月的玩家不是已經投放了大量金錢就是已經有一定排名

我個人應為 : 不是  為什麼好作倒閉不好作不倒閉  而  [ 易上手的遊戲比較難倒閉因為你覺得玩得上手就想投放金錢自然會有一堆玩家在 ] -------- 是以現時遊戲來說

當然好不好作是因人而定  前10年的好作在現今初接觸遊戲的人眼中都不一定是好作

不妨問一下十來歲的人知不知道天堂仙境再問一下喜歡不可能他們會回答 : 根本沒聽過而且畫面又沒現在的好系統都不多元化功能沒現在時下遊戲的多

可是天堂仙境倒閉不了呢 - -  對比一下可玩性高下立見

仙境完整的世界觀可不是現時遊戲所能及

一個遊戲當然畫面好看夠[炫] 很好  可是別忘了現在不是到藝術館看畫展而是玩遊戲

作者: 咪講笑啦!! 時間: 23-7-2010 18:45
個人認為
每個玩家的層面也不一樣
有些是成年
有些是青年

作者: tt19952000 時間: 23-7-2010 20:47
4個字
樹大招風

作者: ♂孤獨♀ 時間: 23-7-2010 21:08
好簡單因為好既game一定會多人玩多人玩就一定會有不少既人會花錢玩e隻game
即係會有唔少既人都整外,掛多數好既game都係比一定數量既外.掛拖累
加上好既game會有多人玩即係ser入面有唔少人都好易lag
thereby,多外掛同lag係一隻好game會88既原因之二
一隻廢既game少人玩 ser都少人d 咪冇咁lag lo

作者: 17792365 時間: 24-7-2010 10:35
好多因素既
天翼之前都有人開過post話係好作
結果爛尾收場
因為天翼可能攪到d公司唔敢攪返呢d game
又可能寵物王既代理唔知飛左去邊所以開唔返

作者: 29文文重出江湖 時間: 24-7-2010 11:42
錢就係一個最好既答案= =E家D遊戲商正係識搵錢=(...
隻GAME收入唔可觀...所以咪收工囉=(~

作者: 英明神武 時間: 24-7-2010 13:57
為何呢?

原因很簡單-----收費

以前我地玩ONLINE某程度上係因為好奇,從而買月卡玩GAME,
到我地玩到咁上下既時候,
免費遊戲開始出,
好多玩月費既玩家玩完收費遊戲有兩個想法,
1. 收費遊戲根本唔公平,去玩番月費GAME算
2. 係WO,點解我仲要比錢玩GAME?

由於想法2既玩家多過想法1既玩家,
加上大家打機打得耐,
個好奇心小左,
同埋有個心態:隻隻GAME都係差唔多,唔洗錢HEA住玩仲好。

月費遊戲愈來愈少人玩,
收費遊戲愈來愈多人玩,
咁遊戲商就以為免費遊戲受歡迎(事實上又搵到錢),
咁就決定倒閉利潤少/可能搵唔到錢既收費遊戲,
而轉行代理免費遊戲。

而家免費遊戲的確係大勢,
點解唔將本來月費既好GAME轉左做免費呢?
因為月費GAME本身個遊戲系統唔係FOR你地狂買點爆武爆防,
而係FOR一個公平既遊戲世界,
所以月費GAME轉免費一樣係要出商城,
所以出左都一樣冇之前咁好玩。

最後,由於月費GAME冇晒,
商城GAME愈出愈多,
令到垃圾遊戲氾濫

作者: ｂｌｕｅ﹏晞 時間: 24-7-2010 16:48
本帖最後由ｂｌｕｅ﹏晞於 24-7-2010 16:50 編輯

遊戲始終離不開商業兩個字
運營要成本, 改版要錢
而怎樣才能賺得最多?
商城制是也
所謂好作倒閉, 不好作不倒閉是不存在的
存在的只有, 懂營運的代理與不懂營運的代理
拿天龍來說, 本人不認為這是好作品, 用的錢不是少數目, 不就是讓代理商賺個不停?
再拿台灣彩虹島, 宣傳少, 人氣低, 但個人認為遊戲是良作, 就是敗在垃圾的代理營運上
試問哪個遊戲能夠完全撇開成本跟你談心?
不夠人氣, 約滿自然會被代理放棄了
這類廢話幾年前已經說到現在, 不多說了

作者: 牙斌~ 時間: 25-7-2010 20:10
你果句吾係全部正確既都有一d好既game無倒閉如巨商: ) 我覺得算係一隻好game
而倒閉的好game 我所知的有彩虹冒險 hp 等

倒閉的原因一來可能有一些不好的玩家做外掛 bug錢等等
令到隻game對公司無收入最後倒閉
而其他無咁好既game 無咩人玩.無咩人特登整外掛.
以及果dgame大多數都係一d大公司所以一時三刻係吾會倒閉

作者: 秋形虫。 時間: 26-7-2010 08:36
好作因沒有開支來源(無後台,無靠山

多數是一樣小公司代理

不好作有強大的開支來源(有後台,有靠山

多數是一些大公司代理,倒閉和不閉倒相差不大對他們來說

作者: wong87 時間: 26-7-2010 16:40
好玩既game趺落爛代理手上

將隻game變成一隻食錢game
唔比錢就唔玩勁得去邊,好似天龍果d咁
明明好玩都搞到唔好玩

作者: 布丁頭 時間: 27-7-2010 23:32
同代理商有關..
睇下好唔好彩比好公司買到..

作者: johnny1552 時間: 28-7-2010 13:36
我認為不好作品不倒閉有2種原因..
1.宣傳
有很多人有看電視的習慣吧,電視便是這類型遊戲的宣傳目標,他們以金錢去拍攝該遊戲之廣告,採用的不是遊戲書面,便是3d影片..主題還使用貼切潮流的廣告,令市民盲目(比)引去玩.例:希望~尖尖尖)代言人都是一個很重要的宣傳因素,還記得~天龍八部~起初是找JM做代言人,有個活動是類似在遊戲中娶JM做娘子,令很多盲目要想在遊戲中娶她的人大費金錢去買該遊戲產品..)無言- -
2.代理
代理是很大的一個令不好作品不倒閉的誘因,我覺得代理是伯樂,而作品就當然是馬,但我覺得代理這個伯樂選擇千里馬時,是跟開發商有一定的關係,可能開發商跟該代理有某遊戲的合作,而開發再新出遊戲時第一時間便有機會再找該代理,還以較便宜的價錢便可,.令一些低品質的遊戲落入大代理中,而高品質的代理因開發知名度等熱門程度和收益程度去評該遊戲的代理價值,令高品質的遊戲落入小代理,沒競爭的市場中,唉!~

作者: [HK]賢先生 時間: 29-7-2010 13:35
已經至隹答案了
有關本人給大家的回應晚點打吧xdd

作者: henganze123 時間: 30-7-2010 16:47
回復 13# 【疾﹏風】

十分認同!

作者: kwai-kit 時間: 30-7-2010 18:57
好作自然多外掛發展商睇中
自然會有好多掛9
遊戲代理商搞不好外掛的話就冇錢賺
遊戲發展商便不會再有心機再搞隻GAME落去
因為一番心血都比外掛搞到冇晒
好作自然要要講88

不好的外掛發展商自然會冇癮
自然冇外掛出現冇掛就有D錢賺自然唔會同你講88

歡迎光臨樂古Nakuz (http://2fcomcnocontactwww.nakuz.com/)